მასშტაბური საპროტესტო აქცია გაიმართა კატალონიაში. ბარსელონას ქუჩებში რამდენიმე ათასი ადამიანი სამოქალაქო ორგანიზაციების ხელმძღვანელების გათავისუფლების მოთხოვნით გამოვიდა. დამოუკიდებლობის მომხრეები პარლამენტის შენობის წინ შეიკრიბნენ. ორგანიზაციების ლიდერებს ოფიციალური მადრიდი სახელმწიფო გადატრიალების ორგანიზებაში ადანაშაულებს. ისინი უკვე სამი თვეა პატიმრობაში იმყოფებიან.
