ლიბიელმა მაშველებმა ხმელთაშუა ზღვაში 400-მდე მიგრანტი გადაარჩინეს. ოპერაცია რამდენიმე საათს გაგრძელდა და უმსხვერპლოდ დასრულდა. გადარჩენილებს შორის ბავშვები და ქალებიც არიან. აფრიკელი მიგრანტები იტალიის სანაპიროებამდე მიღწევას რეზინის ნავებით ცდილობდნენ. აფრიკელი მიგრანტები ევროპაში ძირითადად ლიბიიდან ხვდებიან. იტალიის სანაპირომდე ისინი ხმელთაშუა ზღვის გავლით, ძირითადად კუსტარული და რეზინის ნავებით აღწევენ, თუმცა მათი მცდელობა ხშირად ტრაგიკული შედეგით სრულდება. გასულ წელს ევროპამდე მიღწევის მცდელობას 2832 მიგრანტი ემსხვერპლა, 2016 წელს კი ზღვაში 4581 მიგრანტი დაიხრჩო.
