მნიშვნელოვანია, რომ სრული უმრავლესობით აირჩიეს ლადო ჭანტურია, - ამის შესახებ საქართველოს პარლამენტის თავმჯდომარის პირველმა მოადგილე თამარ ჩუგოშვილმა ლადო ჭანტურიას ადამიანის უფლებათა სასამართლოს მოსამართლედ არჩევასთან დაკავშირებით განაცხადა.
მისი თქმით, ასეთი დიდი მხარდაჭერა იმის გამომხატველია, რომ საქართველოს მხრიდან შესაბამისი კანდიდატურები იყო წარდგენილი.
„პირველ რიგში, მნიშვნელოვანია, რომ სრული უმრავლესობით აირჩიეს ლადო ჭანტურია. ასეთი დიდი მხარდაჭერა რომ არ მოეგროვებინა, მაშინ კენჭისყრა ხვალ გაგრძელდებოდა. ვულოცავ ბატონ ლადოს, ეს უმნიშვნელოვანესი გადაწყვეტილებაა. ასეთი დიდი მხარდაჭერა იმის გამომხატველია, რომ ჩვენი მხრიდან შესაბამისი კანდიდატურები იყო წარდგენილი და ასამბლეამ ყოველგვარი კითხვის ნიშნის გარეშე მიიღო გადაწყვეტილება“, - განაცხადა თამარ ჩუგოშვილმა.