ლადო ჭანტურია სტრასბურგის სასამართლოს მოსამართლე იქნება.
საზოგადოებრივი მაუწყებლის ინფორმაციით, ევროპის საბჭოს საპარლამენტო ასამბლეაზე (PACE) საქართველოდან წარდგენილ სტრასბურგის მოსამართლეობის სამ კანდიდატს კენჭი რამდენიმე წუთის წინ უყარეს. ლადო ჭანტურიას მხარი საპარლამენტო ასამბლეის წევრთა აბსოლუტურმა უმრავლესობამ დაუჭირა.
მათივე ცნობით, ლადო ჭანტურიამ 120 ხმა მიიღო, ლალი ფაფიაშვილმა - 55, ხოლო ოთარ სიჭინავამ - 54.
კენჭისყრის შედეგები ევროსაბჭოს საპარლამენტო ასამბლეის ახლად არჩეულმა თავმჯდომარემ გამოაცხადა.
შეგახსენებეთ, ლადო ჭანტურიამ სტრასბურგის მოსამართლის თანამდებობაზე ნონა წოწორია შეცვალა. ის სტრასბურგის სასამართლოში მუშაობას 2018 წლის იანვრიდან, ფიცის დადების შემდეგ შეუდგება.