"ქალთა პარტიის" ლიდერი, გუგული მაღრაძე აშშ-ის სახელმწიფო მდივანთან შეხვედრით კმაყოფილი დარჩა. მისი თქმით, კლინტონის პერსონით დასტურდება, რომ შეერთებულ შტატებში წარმატებულ კარიერას, მხოლოდ ჰილარი კლინტონისნაირი ნიჭიერი და პროგრესული ადამიანები იკეთებენ.
გუგული მაღრაძის განცხადებით, შეერთებული შტატების სახელმწიფო მდივნამა ნათელი მესიჯები გააკეთა საქართველოში მედიის და სასამართლოს პრობლემების კუთხით. ასევე, სახელმწიფოს მიერ ბიზნესის საქმეებში ჩარევის შესახებ.
"კლინტონმა კიდევ ერთხელ დაადასტურა, რომ ამერიკაში კარიერას იკეთებს ის ადამიანი, ვინც არის ჭკვიანი, ნიჭიერი და პროგრესული. ეს გამოჩნდა ამ შეკხვედრაზე. მან ძალიან ნათელი მესიჯები გააკეთა რამდენიმე მიმართულებით. ერთი იყო ის, რომ ხელისუფლებამ და ოპოზიციამ უნდა ისწავლონ თანამშრომლობა, განსაკუთრებით ხელისუფლებამ უნდა ითანამშრომლოს იმ ძალებთნ, რომელთაც საქართველოსთვის სიკეთის მოტანა სურთ და მე ვთვლი, რომ სამოქალაქო საზოგადოება და ოპოზიცია სწორედ ქვეყნის სიკეთისთვის არიან მოამართულნი. მეორე, ხელისუფლებამ თავი უნდა დაანებოს ყალბ, პატრიოტულ რიტორიკას, ყალა დემოკრატიას და უნდა გააკეთოს ის, რაც საჭიროა ქვეყნის ნორმალური დემოკრატიული განვითარებისათვის. მან თქვა, რომ უნდა იყოს დაცილება ბიზნესსა და ხელისუფლებას შორის და უნდა იყოს თავისუფალი მედია და სასამართლო", - განაცხადა მაღრაძემ.
