უკრაინის პრეზიდენტმა ვოლოდიმირ ზელენსკიმ განაცხადა, რომ ოფიციალური ვიზიტით ბერლინში ჩავიდა და ამერიკულ მხარესთან შეხვედრისთვის ემზადება.
„უკვე გერმანიაში ვარ. დღევანდელი გეგმა ამერიკულ მომლაპარაკებელთა ჯგუფთან შეხვედრაა. ჩვენ ვამახვილებთ ყურადღებას იმაზე, თუ როგორ უზრუნველვყოთ უკრაინის უსაფრთხოება საიმედოდ, რათა ბუდაპეშტის მემორანდუმისა და რუსული შემოჭრის გამოცდილება აღარასდროს განმეორდეს. მოუთმენლად ველით კონსტრუქციულ მოლაპარაკებებს“, - დაწერა ზელენსკიმ Telegram-ზე.
მისი თქმით, ბევრი მნიშვნელოვანი დეტალია, რომელზეც ინტენსიური მუშაობა მიმდინარეობს
„ჩვენ ვემზადებით ამერიკულ მხარესთან შეხვედრისთვის. ბევრი მნიშვნელოვანი დეტალია და ჩვენ ყურადღებით ვმუშაობთ თითოეული პროექტის ყველა ასპექტზე.
მთავარია, რომ ყველა ის ნაბიჯი, რომელზეც ჩვენს პარტნიორებთან შევთანხმდით, რეალურად განხორციელდეს გარანტირებული უსაფრთხოების უზრუნველსაყოფად. მშვიდობისთვის მხოლოდ სანდო გარანტიები იმუშავებს.
ვიმედოვნებთ, რომ ჩვენი პარტნიორები მომავალშიც გააგრძელებენ კონსტრუქციულ მუშაობას“, - განაცხადა უკრაინის პრეზიდენტმა.
