ჩვენ არ ვართ ის ხელისუფლება, რომ ასეთ მარტივ პროვოკაციებს ავყვეთ და იმაზე დავიწყოთ სპეკულირება, ერთიან სივრცეში რატომ ისხდნენ ირაკლი კობახიძე და რუსეთის პრეზიდენტი, - ამის შესახებ მიხეილ ყაველაშვილმა ჟურნალისტებს განუცხადდა.
მიხეილ ყაველაშვილის განცხადებით, ირაკლი კობახიძე თურქმენეთში ფორუმზე ღირსეულად იყო წარმოდგენილი.
„თუ არ ვცდები, 15 ქვეყანა იყო თურქმენეთში ღონისძიებაზე. ყველა ღირსეულმა ქართველმა დავინახეთ ჩვენი სახელმწიფოს პრემიერ-მინისტრის ღირსეული სიტყვა, სადაც მან ჩვენი ქვეყნის ინტერესებიდან გამომდინარე, არსებულ გამოწვევებზე, გლობალურ სიტუაციაზე და ოკუპირებულ ტერიტორიებთან მიმართებით ისაუბრა. გზავნილზე, რაზეც ჩვენ თითქმის ყოველდღე ვსაუბრობთ. ჩვენ ვართ გულწრფელები. სამშვიდობო პოლიტიკა, მშვიდობიანი დაბრუნება ჩვენს დებთან და ძმებთან ერთიანი თანაცხოვრება ერთიან საქართველოში, ეს არის ჩვენი მთავარი მიზანი, რომ გაერთიანდეს ჩვენი საქართველო. ჩვენს დებთან და ძმებთან, ოსებთან და აფხაზებთან ერთად საუკუნეების მანძილზე გვიწევდა თანაცხოვრება. საომარი ვითარებები, ის შეცდომები, რაც ორივე მხარემ დავუშვით, ეს ყველაფერი ნელ-ნელა უნდა დავივიწყოთ და გადავშალოთ ეს ფურცელი, რომ ერთიან საქართველოში მოგვწიოს ისევ თანაცხოვრება, როგორც საუკუნეების მანძილზე ვცხოვრობდით. ეს არის ჩვენი მთავარი მიზანი. ვინც ამას ხედავს, როგორ ქვეყნის შიგნით, ისე გარეთ, ჩვენი გულშემატკივარიც არის. პროცესი მიმდინარეობს. ამ გამოწვევებიდან გამომდინარე, ჩვენ არ ვართ ის ხელისუფლება, რომ ასეთ მარტივ პროვოკაციებს ავყვეთ და იმაზე დავიწყოთ სპეკულირება, ერთიან სივრცეში რატომ ისხდნენ ირაკლი კობახიძე და რუსეთის პრეზიდენტი.
გამოვფხიზლდეთ, სხვა რეალობა არის. ჩვენი გზავნილი ყველასთვის ნათელია. ამაზე ვიყოთ პრინციპულები და დავიცვათ ჩვენი ქვეყნის ერთიანობაც და მომავალიც“, - განაცხადა ყაველაშვილმა.
