"ვფიქრობ, რომ ეს ორგანიზებული და მართული პროცესი იყო“,-განაცხადა საპარლამენტო უმრავლესობის წევრმა, სოფო კილაძემ. მისი შეფასებით, დღეს ფილარმონიის დარბაზში განვითარებული მოვლენები მართულ პროცესს ჰგავდა და მიზანი შევედრის ჩაშლა იყო.
"ვფიქრობ, რომ ეს ორგანიზებული და მართული პროცესი იყო. ბუნებრივია, ვერ გეტყვით ვისგან. ძალიან ცუდია, როდესაც ასეთი ფორმებით ხდება ჩაშლა საკონსტიტუციო განხილვის. ეს უბრალოდ მიუღებელია. ვფიქრობ, რომ ამ შემთხვევაში ყველაზე კარგი გზაა, რომ ნამდვილად დაისვას კითხვები და გაეცეს პასუხები. ისეთი შთაბეჭდილება დამრჩა, რომ ადამიანების მთავარი მიზანი, რომლებმაც არიეს სიტუაცია იყო, ჩაეშალათ კონსტიტუციის განხილვა და უმართავი გამხდარიყო პროცესი", - განაცხადა სოფო
საკონსტიტუციო პროექტის საყოველთაო განხილვა დღეს თბილისში, დიდ საკონცერტო დარბაზში უნდა გამართულიყო. შეხვედრაზე დაწყებულმა ხმაურმა და სტვენამ პარლამენტის თავმჯდომარე ირაკლი კობახიძეს საუბრის საშუალება არ მისცა და შეხვედრა ჩაიშალა.
