საქართველოს მთავრობის ეს გადაწყვეტილება გაუგებარია- განაცხადა მოსკოვის ყოფილმა მერმა, იური ლუჟკოვმა, რომელიც რამოდენიმე დღის წინ საქართველოში იმყოფებოდა. მას შემდეგ, რაც საზოგადოებამ შეიტყო მისი ოკუპირებულ ტერიტორიებზე შესვლისა და დე ფაქტო მთავრობების მხარდაჭერის შესახებ, მოქალაქეებმა პროტესტი გამოთქვეს ლუჟკოვის ქვეყანაში ყოფნაზე.
„როგორც წესი მსგავსი ტიპის გადაწყვეტილებები, მოსდევს რაიმე სახის ქმედებას, რომელიც საქართველოს ინტერესებს ეწინააღმდეგება. ამ შემთხვევაში მე საქართველოში ტურისტული მიზნით ვიმყოფებოდი, ტურისტულ გუნდთან ერთად. ჩვენი მოგზაურობა ორგანიზებული იყო ქართული ტურისტული სააგენტოს მიერ“,-განაცხადა იური ლუჟკოვმა.
საქართველოს შინაგან საქმეთა მინისტრის მოადგილის, შალვა ხუციშვილის თქმით, ლუჟკოვი სპეციალურ სიაში მოხვდება და ქვეყანაში ვეღარ შემოვა.