დღეს, 9 აპრილს, ოკუპირებული ცხინვალის რეგიონში ე.წ. საპრეზიდენტო არჩევნები და რეფერენდუმი იმართება. ამ ფაქტს მინისტრთა კაბინეტი გამოეხმაურა.
„ცინიკურია, როდესაც დღეს 9 აპრილს, ასევე იმართება ე.წ. არჩევნები და ე.წ. რეფერენდუმი, რომელსაც ატარებს რამდენიმე ათასი ადამიანი, მაშინ, როდესაც გამოდევნილია ეთნიკური ქართველები საკუთარი ტერიტორიიდან, საკუთარი სახლებიდან. ეს არის ყველა საერთაშორისო ნორმის და პრინციპის დარღვევა. მას არ აღიარებს საერთაშორისო საზოგადოება. რუსეთის ფედერაციამ უნდა გაიგოს, რომ არასდროს, საერთაშორისო საზოგადოება არ შეეგუება საქართველოს ტერიტორიულ მთლიანობის დარღვევას, სუვერენიტეტის შელახვას და ჩვენ, საერთაშორისო საზოგადოებასთან ერთად, მივაღწევთ ჩვენი ტერიტორიული მთლიანობის აღდგენას,“ - განაცხადა საგარეო საქმეთა მინისტრმა, მიხეილ ჯანელიძემ.
ოკუპირებულ აფხაზეთში საარჩევნო უბნები დილის 8:00 საათზე გაიხსნა. ე.წ. საპრეზიდენტო არჩევნებში სამი კანდიდატი მონაწილეობს. საოკუპაციო რეჟიმის ამჟამინდელი ლიდერი ლეონიდ თიბილოვი, პარლამენტის სპიკერი ანატოლი ბიბილოვი და უშიშროების სამსახურის თანამშრომელი, ალან გაგლოევი. ე.წ. არჩევნებთან ერთად მოსახლეობა რეფერენდუმშიც იღებს მონაწილეობას, სადაც თვითგამოცხადებული რესპუბლიკისთვის სახელ ალანიას მინიჭების საკითხს წყვეტენ.
