რუსეთის ფედერაციის წარმომადგენელი ნატოში, დიმიტრი როგოზინი, ქართულ-ამერიკულ სამხედრო წვრთნებს აპროტესტებს. რადიოსადგურ "ეხო მოსკვის" პირდაპირ ეთერში, რუსეთის წარმომადგენელი ნატოში აცხადებს, რომ ნესმისმიერი სამხედრო სახის ღონისძიება რუსეთის საზღვრებთან მოსკოვის და რუსი სამხედროების შეშფოთებას იწვევს, მით უმეტეს, როდესაც საუბარია ქართულ-ამერიკულ წვრთნაზე.
"ყველას კარგად ახსოვს, რომ შარშან ივლისში გამართულ მსგავს ღონისძიებას აგვაისტოს მოვლენები მოყვა. ამ ეტაპზე მნიშვნელოვანია ნატოსა და რუსეთს შორის ნდობის აღსადგენად სამხედრო თანამშრომლობის შესახებ შეთანხმების გაფორმება, რათა თავიდან იქნეს აცილებული სახიფათო სამხედრო მოქმედებები რუსეთისა და ნატოს შეხების წერტილებში",_ აცხადებს როგოზინი და ხაზგასმით აღნიშნავს, რომ ყველა სამხედრო მოქმედება, რომელიც რუსეთის საზღვართან იქნება, რუს მშვიდობისმყოფელებს საფრთხეს შეუქმნის.
