აშშ-ის პრეზიდენტის სპეციალური წარმომადგენელი სტივ უიტკოფი და დონალდ ტრამპის სიძე ჯარედ კუშნერი შეხვდნენ უკრაინის ეროვნული უშიშროებისა და თავდაცვის საბჭოს მდივანს რუსტემ უმეროვს და უკრაინის შეიარაღებული ძალების გენერალური შტაბის უფროსს, გენერალ ანდრიი გნატოვს. შეხვედრის შესახებ თავად უმეროვმა განაცხადა.
მისი თქმით, შეხვედრა უკრაინაში მდგრადი და სამართლიანი მშვიდობის მიღწევის რეალისტური და ეფექტური გზის ხელშეწყობაზე იყო ორიენტირებული.
„ბოლო ორი კვირის განმავლობაში მხარეთა შორის მეექვსე შეხვედრა შედგა.
მან დაადასტურა, რომ უკრაინის პრიორიტეტია ისეთი შეთანხმება, რომელიც უზრუნველყოფს უკრაინის დამოუკიდებლობისა და სახელმწიფო სუვერენიტეტის დაცვას, უკრაინელების უსაფრთხოებას და შექმნის სტაბილურ საფუძველს წარმატებული დემოკრატიული მომავლისთვის“, - აღნიშნა უმეოვმა.
უმეროვი აცხადებს, რომ მონაწილეებმა განიხილეს ამერიკულ მხარესა და რუსეთს შორის ბოლო შეხვედრის შედეგები და ნაბიჯები ომის დასასრულებლად.
„ამერიკული და უკრაინული მხარეები ასევე შეთანხმდნენ უსაფრთხოების შესახებ შეთანხმებების ჩარჩოზე და განიხილეს მდგრადი მშვიდობის უზრუნველსაყოფად საჭირო შეკავების საშუალებები.
ორივე მხარემ ხაზგასმით აღნიშნა, რომ ნებისმიერი შეთანხმების მიღწევის რეალური პროგრესი დამოკიდებულია რუსეთის მზადყოფნაზე, გამოავლინოს რეალური ერთგულება გრძელვადიანი მშვიდობის მიმართ - კერძოდ, გადადგას ნაბიჯები დეესკალაციისა და მკვლელობების დასრულებისკენ“, - აღნიშნა უმეროვმა.
მან ხაზგასმით აღნიშნა, რომ ამერიკულმა და უკრაინულმა მხარეებმა აღნიშნეს, რომ ომის დასრულება და ცეცხლის შეწყვეტისა და დეესკალაციისკენ რეალური ნაბიჯების გადადგმა აუცილებელია შემდგომი აგრესიის თავიდან ასაცილებლად და უკრაინის აღდგენის ყოვლისმომცველი გეგმის განხორციელების უზრუნველსაყოფად.
