თბილისში, ბურძგლას ქუჩაზე ახალგაზრდა მამაკაცი ცეცხლსასროლი იარაღიდან დაჭრეს. გავრცელებული ინფორმაციით, თავდამსხმელმა ცეცხლსასროლი იარაღით ახალგაზრდა მამაკაცს რამდენიმე ტყვია ესროლა. ბიჭი სავარაუდოდ ფეხშია დაჭრილი.
ადგილზე მობილიზებულია საპატრულო პოლიცია. სავარაუდოდ უკვე ცნობილია ავტომობილი, რომლითაც დამანაშავე გადაადგილდებოდა.
მომხდარზე შინაგან საქმეთა სამინისტროში საქმე სისხლის სამართლის კოდექსის ორი - ჯანმრთელობის განზრახ ნაკლებად მძიმე დაზიანებისა და ცეცხლსასროლი იარაღის უკანონო ტარების მუხლებით არის აღძრული.
