სააკაშვილმა საზოგადოებას ოპიუმის მორიგი პარტია შესთავაზა. ამის შესახებ ლეიბორისტული პარტიის ერთ-ერთმა ლიდერმა, კახა ძაგანიამ დღეს გამართულ პრესკონფერენციაზე განაცხადა.
"ლეიბორისტული პარტიის" წევრების განცხადებით, პენსიების 5 ლარით გაზრდა ხელისუფლების მხრიდან ხალხის მოტყუების მორიგი ფაქტია.
"პენსიების 5 ლარით გაზრდა, რომლითაც სააკაშვილი ასე ამაყობს, ათეულობით მილიონი ლარის ღირებულების სოციალური პროგრამების ბიუჯეტიდან ამოღების ხარჯზე განხორციელდა. 2010 წლის ბიუჯეტში მცირე ბიუჯეტიანი პროგრამების გრაფაში ციფრი 0 წერია," - აცხადებს პარტიის ერთ-ერთი ლიდერი, კახა ძაგანია.
ძაგანიას თქმით, საქართველოს ბიუჯეტის გათვალისწინებით პენსიის 215 ლარამდე გაზრდა ყოველგვარი სოციალური პროგრამის გაუქმების გარეშეცაა შესაძლებელი.
