თბილისის საქალაქო სასამართლოში ე.წ.კაბელების საქმის განხილვა ხმაურით მიმდინარეობდა. მხარის მოთხოვნით დღეს დაკითხეს კომპანია ,,დელტაკომის „ხელმძღვანელი პაატა ქიქოძე, რომლის განცხადების საფუძველზეც დაიწყო თავის დროზე გამოძიება.
ქიქოძემ დღეს თავდაცვის სამინისტროს მიერ გამოცხადებული ტენდერის პირობებზე და კომპანიის მაშინდელ გადაწყვეტილებაზე ისაუბრა. „მომსახურების ღირებულება აუცილებლად ითვალისწინებს მოცულობას, დროს, გადახდის პირობას, არც ერთი არ იყო მაშინ დაზუსტებული. არანაირი მნიშვნელობა არ აქვს დღეს ამ წინადადებას, რადგან არავის მაშინ იდეაში არ დაბადებია შეკითხვა დაესვა. იყო მზაობა დაგვეწყო მოლაპარაკება და მიგვეღო ექსკლუზიური ფასი,“-განაცხადა ქიქოძემ.
მას გამოეხმაურა ადვოკატი სოსო ბარათაშვილ და განაცხადა, რომ პირველადი თანხა არარეალური იყო „როგორ შეიძლება ყოფილიყო ფასით დაიტერესებული, როდესაც 80 ათას ლარს სთავაზობდნენ თვეში, როდესაც ანალოგიურ თანხად სილკნეტი ემსახურება. პირველადი ფასი იყო იმდენად არარეალური და კატასტროფული, რომ მათ არავითარი პასუხიც კი არ გაეცა,“-აღნიშნა ადვოკატმა.
რაც შეეხება ბრალდების მხარეს, საქმის პროკურორმა ნინო აღლემაშვილმა განაცხადა, რომ
ადვოკატები თავისი ხელით ასამარებენ საკუთარ აბსურდულ პოზიციას.
,,"დელტაკომის" ხელმძღვანელმა კიდევ ერთხელ კარგად წარმოაჩინა ის საკითხი, რომ მისი კომპანიის შეთავაზება ინტერნეტმომსახურებას ეხებოდა, რომელიც აბსოლუტურად განსხვავებული თემაა, რადგან თავდაცვის სამინისტროს "სილქნეტისგან" ინტერნეტი არ უყიდია.
"ჩვენ ნამდვილად უცნაურად გვეჩვენება დაცვის მხარის სტრატეგია მოცემულ საქმეში. ადვოკატები თავისი ხელით ასამარებენ საკუთარ აბსურდულ პოზიციას. დღეს დაკითხულმა მოწმემ კიდევ ერთხელ კარგად წარმოაჩინა ის საკითხი, რომ ეს იყო შეთავაზება ინტერნეტმომსახურებაზე, რომელიც აბსოლუტურად განსხვავებული თემაა. აბსოლუტურად სხვა მომსახურებაზე ვსაუბრობთ და როდესაც ადვოკატები იღებენ ორ ხელშეკრულებას და მხოლოდ და მხოლოდ სახელშეკრულებო ფასებს ადარებენ ერთმანეთს, ეს არის ნამდვილად მათი მხრიდან სიბრმავე", - განაცხადა ნინო აღლემაშვილმა.
ე.წ. კაბელების საქმეზე თავდაცვის სამინისტროს თანამშრომლებს ბრალდების მხარე დიდი ოდენობით სახელმწიფო თანხის გაფლანგვას ედავება.
