თბილისის სახელმწიფო უნივერსიტეტში განვითარებულ მოვლენებთან დაკავშირებით რამდენიმე საათს მსჯელობდნენ განათლების სამინისტროში, სადაც მინისტრი უნივერსიტეტის რექტორს და სტუდენტური თვითმმართველობის წარმომადგენლებს შეხვდა.
ისინი მხოლოდ ერთ საკითხზე - თბილისის სახელმწიფო უნივერსიტეტის თვითმმართველობის რეფორმირებაზე შეთანხმდნენ. რაც შეეხება თვითმმართველობის წევრების მოთხოვნას რექტორის გადადგომის შესახებ, არ დაკმაყოფილდა, რის გამოც თვითმმართველობის პრეზიდენტი შიმშილობას განაგრძობს.
სამინისტროში გამართული შეხვედრის შემდეგ ასევე ცნობილი გახდა, რომ პარლამენტში არ შეიქმნება საგამოძიებო კომისია, რომელსაც უნივერსიტეტში ე.წ. ოდეერის სამსახურის არსებობის საკითხი უნდა შეესწავლა. თამარ სანიკიძის თქმით, მან პასუხი პარლამენტიდან უკვე მიიღო.
