იუსტიციის უმაღლესი საბჭოს წევრმა ვახტანგ მჭედლიშვილმა საქალაქო სასამართლოს თავმჯდომარის თანამდებობაზე გიორგი ებანოიძის კანდიდატურა დაასახელა. ებანოიძე თბილისის საქალაქო სასამართლოს თავმჯდომარის მოვალეობის შემსრულებელი და სამოქალაქო კოლეგიის ხელმძღვანელია.
ამავე თანამდებობაზე იუსტიციის უმაღლესი საბჭოს მდივანმა ლევან მურუსიძემ უკვე წარადგინა ადმინისტრაციულ საქმეთა კოლეგიის თავმჯდომარე გიორგი მიქაუტაძე. საქალაქო სასამართლოს თავმჯდომარის თაობაზე იუსტიციის უმაღლესი საბჭო გადაწყვეტილებას დღეს მიიღებს.
შეგახსენებთ, ვახტანგ მჭედლიშვილმა, რომელიც იუსტიციის უმაღლეს საბჭოში პრეზიდენტის კვოტით არის წარდგენილი, კენჭისყრისას მამუკა ახვლედიანის გათავისუფლებას მხარი არ დაუჭირა.
