იუსტიციის მინისტრმა თეა წულუკიანმა უკმაყოფილება გამოთქვა იუსტიციის უმაღლესი საბჭოს მიერ გამართულ კონფერენციაზე, საბჭოს ხელმძღვანელის, ნინო გვენეტაძის დაუსწრებლობასთან დაკავშირებით.
წულუკიანმა აღნიშნა, რომ გვენეტაძემ მომავალში უნდა გაითვალისწინოს ასეთ კონფერენციაზე დასწრება და ასეთი ტიპის შეხვედრები უკეთესად უნდა იყოს ორგანიზებული.
„მართლაც კარგია, როდესაც ჩვენ ვართ მოწვეული. მოვედით და არ გვხდება საბჭოს ხელმძღვანელი. იქნებ მომავალში, ეს მასაც ეკუთვნის, უკეთესად დავაორგანიზოთ ასეთი ტიპის შეხვედრები, რადგან ჩვენ ერთად, მასთან ერთად, რომელიც მხარს უჭერს რეფორმას და ის უჭერს მხარს რეფორმას, ამ გზაზე ვიაროთ ერთად. თუკი ამ რეფორმას მხარს არ უჭერთ.. და ამას დღეს მოვისმენთ, ჩვენ მაინც გავაგრძელებთ“, - განაცხადა თეა წულუკიანმა.
საქართველოს იუსტიციის უმაღლესი საბჭოს მიერ გამართული კონფერენცია „სასამართლოს დამოუკიდებლობის მიმდინარე გამოწვევები“ რედისონ ბლუ ივერიაში“ მიმდინარეობს.
