სამეგრელო-ზემო სვანეთის საოლქო სამხარეო პროკურორის, ვახტანგ ქირიას მკვლელობაში ბრალდებული ბიძინა კუჭავაა, რომელმაც სიცოცხლე თვითმკლველობით დაასრულა, - ამის შესახებ შსს-ში გამართულ საგანგებო ბრიფინგზე შსს-ს საზოგადობასთან ურთიერთობის სამსახურის უფროსმა თეა პერტაიამ განაცხადა
პერტაიამ განმარტა, რომ ბინა, რომელშიც ვახტანგ ქირიას ცხედარი იპოვეს, ბიძინა კუჭავას ჰქონდა დაქირავებული.
პერტაიამ აღნიშნა, რომ გამოძიებაში ამ დროისთვის არსებული მასალებით ვახტანგ ქირიას გვამს დანაწევრების საწყისი ეტაპისთვის დამახასიათებელი კვალი ემჩნეოდა.
ბრიფინგზე დადასტურდა გავრცელებული ინფორმაცია, იმის შესახებ, რომ კუჭავამ მან პოლიციის მიერ დევნის ოპერაციის განხორციელებისას სიცოცხლე თვითმკვლელობით დაასრულა.
პერტაიამ ასევე განმარტა, რომ ვახტანგ ქირიას და ბიძინა კუჭავას ნათესაური და საკმაოდ ახლო კავშირი ჰქონდათ და ჩადენილი დანაშაული შეხებაში არ არის ვახტანგ ქირიას სამსახურებრივ მდგომარეობასთან.
საქმეზე გამოძიება სსკ -ის 108-ე მუხლით - განზრახ მკვლელობა - მიმდინარეობს.
