შესაძლოა საქართველო არ მდგებარეობს მუსლიმი დევნილების მიმავალ გზაზე, მაგრამ ეს სულაც არ ნიშნავს იმას, რომ არ არსებობს ტერორიზმის საფრთხე, რომლისგანაც თავდაცვა მნიშვნელოვანია. სულ ახლახანს საქართველოს ყოფილი თავდაცვის მინისტრი ირაკლი ალასანია ესტუმრა ისრაელს, სადაც საქართველოს-რუსეთ შორის ომით დამძიმებულ წარსულსა და მისი თავდაცვის გამოწვევების, სამხედრო ურთიერთთანამშრომლობისა და ტერორიზმის საფრთხეებთან დაკავშირებით ესაუბრა გამოცემა I-HLS-ი.
იგრძნობა თუ არა საქართველოში, თქვენს საზვღრებთან ჯიჰადისტური ისლამის წნეხი?
რა თქმა უნდა, აღნიშნული რეგიონი გეოგრაფიულად ახლოს მდებარეობს საქართველოსთან, ამასთან ჩვენს ქვეყანას აქვს წარსულში ძალადობის გამოცდილება, თანაც არავინაა დაზღვეული მსგავსი გამოწვევებისაგან. აღსანიშნავია ისიც, რომ ჩვენი ერთ-ერთი მოქალაქეცაა დაეში-ს მებრძოლი, რაც ერთობ პრობლემატური საკითხია საქართველოს მთავრობისა და ქართველი ხალხისათვის.
ჩვენ ვფიქრობთ, რომ საფრთხე სერიოზულია რის გამოც ვითხოვთ ურთიერთანამშრომლობასა და სადაზვერვო მონაცემების ურთიერთგაცვლას რეგიონალურ სახელმწიფოთა შორის, რათა ინფორმაციის გაზიარებით უფრო ეფექტურად შევძლებთ ბრძოლას. მე მიმაჩნია, რომ პრობლემის გადაწყვეტა მხოლოდ ჩვენი მოსაზღვრე ქვეყნების ერთიანობის მიღწევითაა შესაძლებელი, რასაც თან უნდა ახლდეს ინფორმაციის გაცვლა და იმ ადამიანთა კონტროლი, რომლებიც ჩვენი სახელმწიფოთა სუვერენიტეტისა და მოქალაქეთათვის ზიანის მიყენებას ფიქრობენ.
მსოფლიოში არ არსებობს ტერორიზმის ერთიანი, ზუსტი განსაზღვრება. ასევე არ არსებობს რაიმე ერთი კანონი ტერორის შესახებ. ფიქრობთ თუ არა რომ, ტერორიზმის წინააღმდეგ უნდა იყოს მიღებული ერთიანი, კონკრეტული კანონი?
ვფიქრობ არავის არსად არ უნახავს ისეთი რამ, რაც ახლა სირიასა და ერაყში ხდება. თავად ტერორიზმმა იცვალა თავისი ტრადიციული სახე. ვფიქრობ, ამ ცვლილებათა კანონებში ასახვა უნდა მოხდეს. საქართველოში ჩვენ მოვახდინეთ კონტრ-ტერორიზმთან დაკავშირებული, რამდენიმე საკანონმდებლო ცვლილების ინიცირება. შესაბამისად ამ ყველაფერზე მუშაობა ზოგიერთ დონეზე საკმაოდ სპეციფიური იქნება, თუმცა ამასთანავე ვფიქრობ უნდა მივაღწიოთ საერთო კონვენციასა და შევქმნათ საკანონმდებლო ჩარჩო, რომლის მეშვეობითაც სახელმწიფოები ტერორიზმის წინააღმდეგ ბრძოლის ასპექტში გახდებიან მეტად ეფექტურები და ნაყოფიერები. ვფიქრობ ამ ყოველივეზე ინიციატივა სირიის, ერაყისა და ახლო აღმოსავლეთის ირგვლივ მყოფი სახელმწიფოთაგან უნდა მოდიოდეს, ხოლო ჩვენ უნდა გავიზიაროთ აღნიშნული ინიციატივა, რათა მოვახერხოთ ყოველდღიურად ცვალებადი არატრადიციული საფრთხეების იდენტიფიცირება და დავამარცხოთ იგი.
საქართველოშიც შეინიშნება დევნილთა ნაკადის შემოდინება?
არა, ისე არა, როგორც სხვა სახელმწიფოებში, მაგრამ ჩვენ კარგად გვესმის, რომ რაც ახლა ხდება ევროპაში ეს არის მცდარი პოლიტიკა და გაშვებული შესაძლებლობების შედეგი. ევროპელი ლიდერები არ იყვნენ ფოკუსირებული დევნილთა მაშტაბურობის ალბათობაზე, რის გამოც ისინი მოუმზადებლები დახვდნენ ამ პროცესს. ვფიქრობ აღნიშნული ლიდერები ახლა ხვდებიან იმას, რომ თუ ამ პროცესების წინდაწინ დიდ ძალასა და ძალისხმევას მოუყრიდნენ თავს, არ დააკლებდნენ მცდელობასა და რესურსებს, წარმართავდნენ ბრძოლას ერაყის შიგნითვე, მაშინ არ მიიღებდნენ დაეში-ს ზრდასა და საბოლოოდ ასეთი მძიმე სახის შედეგებს. ისინი ახლა ახდენენ სიტუაციის სრულ ანალიზსა და მასთან ადაპტაციას, რაც იქნება გრძელი და რთული პროცესი. მიუხედავად იმისა, რომ ჩვენ არ გვყავს ისეთი რაოდენობის დევნილები, როგორც სხვა ქვეყნებს, მაინც ვშიშობთ, რომ თუ ევროპა გახდება ნაკლებ სტაბილური ეს ყველაფერი ქართულ-ევროპულ ურთიერთობებზეც აისახება.
როგორი არის საქართველოს შიდა უსაფრთხოების თავდაცვის პროგრამა?
საქართველომ წარსული 25 წლის განმავლობაში დიდი გამოცდილება დააგროვა. საქართველო არის ერთადერთი ქვეყანა მსოფლიოს მაშტაბით, რომელსაც ჰქონდა სამი სამხედრო დაპირისპირება რუსეთის ფედერაციასთან. ვფიქრობ, მრავლად იყო პოლიტიკოსებს შორის ურთიერთგაუგებრობები, რამაც ყოველივე გადაზარდა სამხედრო დაპირისპირებაში, მაგრამ ახლა ჩვენ ვსწავლობთ ამ ყველაფრისაგან. ჩემი თაობის პოლიტიკოსები, თავდაცვისა და უსაფრთხოების სპეციალისტები ვდებთ მეტ ენერგიასა და შრომას, რათა გავატაროთ საკმაოდ ფრთხილი პოლიტიკა. ჩვენ გჭირდება ფიქრი, სანამ გადავალთ მოქმედებაზე და სწორედ ამიტომ, როდესაც მე ვიყავი თავდაცვის მინისტრი, ყოვეთვის დიდ დროს ვუთმობდი დაზვერვასა და ანალიტიკას და არ ვეყრდნობოდი მხოლოდ აღჭურვას. ვფიქრობ ესაა ის მთავარი, რაც ვისწავლეთ ჩვენი წარსულისაგან და ვფიქრობ სამომავლოდ, საქართველოს აქვს პოტენციალი გახდეს წამყავანი ქვეყანა რეგიონში.
საქართველო რა სადაზვერვო ტექნოლოგიებს ფლობს მტრული პირების წინააღმდეგ?
როგორც მოქალაქე, რა თქმა უნდა ვისურვებდი, რომ მქონოდა მეტი შესაძლებლობები, რის გამოც მე ვემხრობი დაზვერვის, კონტრდაზვერვისა და კონტრტერორისტული სააგენტოებისათვის დაფინანსების გაზრდას. მაგრამ ვფიქრობ, ასე თუ ისე, უსაფრთხოა ვთქვა, რომ საქართველოს აქვს ინსტრუმენტები, რათა მიაღწიოს აღნიშნული მიმართულებით დაცულობას, მაგრამ ბოლო ხანებში განხორციელებულმა დაკავებებმა ცხადყო, რომ საზღვრები არ არის დაუძლეველი და ზოგიერთი ავი ზრახვების მქონე ადამიანი ახერხებს ქვეყნის შიგნით შემოღწევას, რის გამოც შემიძლია ვთქვა, რომ ამ მიმართულებით დასახვეწი კიდევ ბევრია.
როგორ ფიქრობთ, სამომავლოდ, ამ მიზნების ირგვლივ ისრაელის თავდაცვის ბაზართან შედგება თუ არა თანამშრომლობა?
ცხადია. როგორც თავდაცვის მინისტრი, მე ვიყავი ინიციატორი საქართველოსა და ისრაელს შორის უსაფრთხოების თემატიკაზე დიალოგის წარმართვის. ჩვენ გვქონდა რამდენიმე შეხვედრა და ვფიქრობ, რაც ყველაზე მნიშვნელოვანია, ჩვენ შევძელით იმ არეების გამოყოფა, რომელზეც შეიძლება ითქვას, რომ ისრაელი ჩვენთვის წარმოადგენს სანიმუშო მოდელს. იმ ტექნოლოგიურ ძვრებსა და მიღწევებს, რომელიც ისრაელს გააჩნია საქართველოს გადასახედიდან ძალიან წარმატებულია. ვფიქრობ, რომ ისრაელი შეიძლება იყოს საქართველოს საუკეთესო პარტნიორი, რადგან თქვენი უსაფრთხოების გამოწვევა დაახლოებით ისეთივეა, როგორიც საქართველოსი. შესაბამისად მე ხაზს ვუსვამ ქართულ-ებრაული ურთიერთობების მნიშვნელობას და ვიმედოვნებ, რომ ჩვენ შორის კავშირები სამომავლოდ კიდევ უფრო გაღრმავდება.
როგორ ფიქრობთ საქართველოსა და ისრაელს შორის ურთიერთობაზე რა დონის ზეგავლენა ექნება რუსეთს და მის გეოპოლიტიკურ ინტერესებს?
როგორც ბრძენმა კაცმა მე ერთხელ მითხრა: რუსული დათვი სწორი მიმართულებით უნდა მიმართო. თუ ძალიან ახლოს მიხვალ მასთან შემოგეხვევა და შეიძლება გაგტეხოს. თუ ძალიან შორს წასვლას შეეცდები შენგან საფრთხეს იგრძნობს და შეეცდება გამოგედევნოს. შესაბამისად მთავარია გქონდეს მართებული ურთიერთობა. ჩვენ ვისწავლეთ ჩვენი წარსულისაგან. პირადად მე და ჩემი ხალხი ვფიქრობთ, რომ რუსეთთან მიმართებით ჩვენ უნდა გქვონდეს ახალი პოლიტიკური დღის წესრიგი. ვფიქრობ ტერორიზმი არის ერთ-ერთი ის საკითხი, რომელზეც შემიძლია მათთან მქონდეს თანამშრომლობა, როგორც ეს
2002-2003 წლებში იყო, რა დროსაც საქართველოს კონტრ-ტერორისტული ძალების მეთაური ვიყავი და ვაწარმოებდით ინფორმაციის გაცვლას. ვფიქრობ განსაკუთრებით ეს მიმართულება არის ის, რომელთა დაკავშირებით ჩვენ შევძლებთ ვიპოვოთ ომის შემდგომ შერყეული ურთიერთნდობა. ჩვენ გეოგრაფიულად ვერ შევიცვლებით, ამიტომ მნიშვნელოვანია მათთან ერთად კონფრონტაციის გარეშე გავიზარდოთ. საქართველოს ტეროტიროების ოკუპაცია ყოველთვის იქნება მთავარი მიმართულება, რომელზეც მოგვიწევს შეთანხმების მიღწევა, მაგრამ სანამ ახლა ამ თემაზე საუბარი არარეალისტურია, მანამდე შეიძლება მოვიძიოთ სხვა თემები, რომელზედაც აიგება ნდობა. კონტრ-ტერორიზმი და ინფორმაციის გაცვლა ერთ-ერთი მათგანია, ისევე როგორც ეკონომიკა სახალხო დიპლომატიის წარმოება და სხვა აქტივობები, საკმაოდ მნიშვნელოვანია. მე, როგორც პოლიტიკოსი მოვიძიებ იმ შესაძლებლობებს, რათა დავიწყო რუსეთთან ურთიერობის გაღრმავება. ვფიქრობ ეს ყველაფერი დაგვეხმარება რუსეთთან პრაგმატული ურთიერთობის წარმართვაში, რასაც თან ერთვის ის ფაქტორიც, რომ რუსეთთან უსაფრთხოების დიალოგისწარმოება დაგვეხმარება სხვა ქვეყნებთან ურთიერთობებშიც, რომელთაგანაც ერთ-ერთი ისრაელია.
აუცილებლად უნდა ვთქვა, მოსმენილით გაოცებული ვარ, თქვენი პოლიტიკური პარტიის კურსის გათვალისწინებით გაქვთ მომავლის ასეთი ნათელი და ოპტიმისტური ხედვა.
რა თქმა უნდა. აუცილებლად უნდა გჯეროდეს იმის რის მიღწევასაც ცდილობ. ჩვენ ვფიქრობთ, რომ საქართველოს აქვს დიდი პოტენციალი და არ ვაპირებთ დროის დაკარგვას. ჩვენ ვიმოქმედებთ.
