შინაგან საქმეთა სამინისტრო საგზაო მოძრაობის უსაფრთხოების პროგრამის კომპონენტებზე საინფორმაციო კვირეულს აგრძელებს - მარჯვენასაჭიანი ავტომანქანების რეგისტრაციის აკრძალვა.
აღნიშნული საკანონმდებლო ინიციატივა არ გულისხმობს ქვეყანაში უკვე არსებული მარჯვენასაჭიანი ან საჭეგადატანილი ავტომანქანების აკრძალვას, არც მათ შეძენას და შემდგომში გაყიდვა/გასხვისებას.
კანონპროექტი შეეხება მხოლოდ იმ მარჯვენასაჭიანი ავტომანქანების რეგისტრაციის აკრძალვას, რომლებიც პარლამენტის მიერ დადგენილი თარიღის შემდეგ შემოვლენ ქვეყანაში.
კანონპროექტის თანახმად, ქვეყანაში არ იკრძალება მარჯვენასაჭიანი ავტომანქანების იმპორტი რე-ექსპორტის მიზნით და ტრანზიტი.
კანონი ძალაში შევა 2016 წლის იმ თარიღიდან, რომელსაც საქართველოს პარლამენტი კანონპროექტის მიღებისას დაადგენს. განისაზღვრება გონივრული დრო, რათა არ დაზარალდეს არც ერთი მფლობელი და იმპორტიორი.
კვლევებით დადასტურებულია, რომ მარჯვენასაჭიანი ავტომანქანებით მოძრაობა საგზაო ინფრასტრუქტურაზე, რომელიც მარცხენასაჭიან ავტომანქანებზეა დაგეგმილი, შეიცავს ავტოსაგზაო შემთხვევების მომეტებულ რისკს. მაგალითად, ასეთი რისკები არსებობს გასწრების მომენტში; მგზავრის ჩამოსმის მომენტში; ღამით შემხვედრი მანქანის მიმართ შუქების ზემოქმედებისას (რომელიც მარჯვენასაჭიან ავტომანქანაზე საწინააღმდეგო მიმართულებით არის მომართული) და სხვა.
საქართველოში მარჯვენასაჭიანი ავტმობილების რაოდენობა მკვეთრად მზარდია და უახლოვდება კრიტიკულ ზღვარს: სტატისტიკური მაჩვენებლების ანალიზი მიუთითებს, რომ უახლოეს 5-7 წელიწადში მოსალოდნელია მარჯვენასაჭიანი და მარცხენასაჭიანი ავტომანქანების რაოდენობის გათანაბრება, რაც ქვეყანაში საგზაო მოძრაობის რეგულირებას და საგზაო უსაფრთხოებას სერიოზულ პრობლემებს შეუქმნის.
1949 წლის 19 სექტემბრის ჟენევის კონვენცია, რომლის წევრიც სხვა ქვეყნებთან ერთად საქართველოც არის, სახელმწიფოებს საგზაო მოძრაობის უნიფიცირებას ავალდებულ
