საპარლამენტო უმცირესობის დეპუტატ გიორგი ღვინიაშვილის ფიზიკური შეურაცხყოფისთვის დაკავებული პირი ხელწერილის საფუძველზე, გაათავისუფლეს.
ლაგოდეხის რაიონის სოფელ ჩადუნიანში მცხოვრები გიორგი ჭანყოშვილი, გუშინ, გურჯაანში, მევენახეების და „ნაციონალური მოძრაობის“ წევრების საპროტესტო მსვლელობის დროს პარლამენტის წევრ გიორგი ღვინიაშვილს სახეში დაარტყა და სიტყვიერი შეურაცხყოფა მიაყენა. ის მოითხოვდა, რომ დეპუტატს აქცია დაეტოვებინა.
სამართალდამცველებმა აქციაზე დაკავებული 2 მონაწილეც გაათავისუფლეს.
მევენახეები დღეს საპროტესტო აქციის განახლებას აპირებენ.
