"საქართველოს 2004-2012 წლების ეკონომიკური ტრანსფორმაცია ერთ-ერთ საუკეთესო მაგალითად ითვლება დღევანდელ განვითარებად ქვეყნებს შორის“, აღნიშნულის შესახებ განცხადებას საქართველოს ყოფილი პრემიერ-მინისტრი ნიკა გილაური Facebook-ის საშუალებით აკეთებს.
„ჯი-ეიჩ-ენი“ ნიკა გილაურის განცხადებას გთავაზობთ უცვლელად:
„ბოლო 3-4 თვის განმავლობაში რამოდენიმე საინტერესო კონფერენციაზე მომიწია გამოსვლა და საქართველოს ეკონომიკური რეფორმების გამოცდილების გაზიარება - საუდის არაბეთში "Global Competitiveness Forum"-ზე, ჟენევაში "African CEO Forum"-ზე (ეგრედ წოდებული ‘აფრიკის დავოსი’), ბუტანში ‘აზიის განვითარების ბანკის’ მიერ ჩატარებულ ‘ვორკშოპზე’ და ლონდონში Aberdeen Asset management-ის მიერ ჩატარებულ კონფერენციაზე - "Emerging Markets Debt Conference". საინტერესო ის არის რომ ყველგან - არაბულ სამყაროშიც, აფრიკის კონტინენტზეც, აზიის განვითარებად ქვეყებშიც და ლონდონში ჩატარებულ გლობალურ განვითერებად ქვეყნების ფორუმზეც საქართველოს ეკონომიკური ტრანსფორმაციის შესახებ ძალიან კარგად იცოდნენ და ბევრი ქვეყანის წარმომადგენელი ძალიან დეტალური ინფორმაციით დაინტერესდა. საქართველოს 2004-2012 წლების ეკონომიკური ტრანსფორმაცია ერთ-ერთ საუკეთესო მაგალითად ითვლება დღევანდელ განვითარებად ქვეყნებს შორის - ეკონომიკის გაოთხმაგება (ნომინალში), მსოფლიო ეკონომიკური კრიზისიდან ყველაზე სწრაფად გამოსვლა (თან საერთაშორისო სავალუტო ფონდის რეკომენდაციის წინააღმდეგ გატარებული რეფორმის გზით), ომის მიუხედავად ეკონომიკური სტაბილურობის შენარჩუნება და ბიზნეს სიმარტივის რეიტინგში 112-ე ადგილიდან 8-ეზე გადასვლა - და მრავალი ქვეყანა ატარებს იგივე ტიპის ეკონომიკურ რეფორმებს საქართველოს გამოცდილებაზე დაყრდნობით.
კიდევ ორი დასკვნა გამოვიტანე ამ ფორუმებიდან და სხვა საკონსულტაციო საქმიანობიდან გამომდინარე (ბოლო 2 წელიწადში 20-მდე ქვეყნის მთავრობასთან მომიწია შეხვედრა და მათგან 10-მდე ქვეყანასთან მოკლე თუ გრძელვადიანი კონტრაქტის გაფორმება ჩემ კოლეგებთან ერთად - რამაც თავისთავად განაპირობა ის რომ ამ ქვეყნების ეკონომიკები კარგად შევისწავლეთ) 1. განვითარებადი ქვეყნების მთავრობების აბსოლუტურ უმრავლესობას ძალზედ მსგავსი ეკონომიკური პრობლემები აქვთ და 2. თითქმის ყველა ქვეყანას აქვს გატარებული ერთი წარმატებული რეფორმა მაინც, რომელიც სხვა ქვეყნებსაც გამოადგებოდათ. იმის გამო რომ რეალურიად არ არსებობს ამ რეფორმების მთავრობებს შორის გაზიარების და მათი დაკუმენტირების სისტემატიზირებული მექანიზმი - გადავწყვიტეთ რომ ამ მიმართულებით დაგვეწყო მუშაობა და ახალი პლატფორმის შექმნა სადაც ნებისმიერ განვითარებად ქვეყანაში ახლებურად დანახული ეკონომიკური რეფორმების დოკუმენტირება და მათი სხვა მთავრობებთან გაზიარება მოხდება.
რაც შეეხება ზემოთ აღნიშნულ ფორუმებში ჩემ გამოსვლებს - ეხლა ვაგროვებ ამ ვიდეომასალებს და ნელ-ნელა დავპოსტავ მათთვის ვისაც შეიძლება დაგაინტერესოთ“.
