18 მაისს, 12.00 საათზე, უზენაესი სასამართლოს თავმჯდომარე ნინო გვენეტაძე მართლმსაჯულების გამოწვევების თაობაზე დიალოგს გახსნის.
უზენაესი სასამართლოს ინფორმაციით, შეხვედრის მონაწილეები მართლმსაჯულების მესამე ეტაპის რეფორმირებისთვის საქართველოს იუსტიციის სამინისტროს მიერ მომზადებულ საკანონმდებლო ცვლილებათა პაკეტს განიხილავენ.
დიალოგში მონაწილეობას მიიღებენ საერთაშორისო და ადგილობრივი არასამთავრობო ორგანიზაციების წარმომადგენლები, ექსპერტები.
შეხვედრა ჩატარდება მართლმსაჯულების სახლში მისამართი: ნოდარ ბოხუას N19. დიღმის მასივი.
