მოკლული ბესიკ ხარძიანის ოჯახის წევრები აცხადებენ, რომ ბიზნესმენის მკვლელობა მისმა მეუღლემ ეკა ნონიკაშვილმა შეუკვეთა. ამის შესახებ განცხადება ხარძიანის შვილებმა გააკეთეს, რომელიც პირველი ქორწინებიდან ყავს.
,,შევდივართ ბებიაჩემთან სადაც კამათობენ მამიდაჩემი და ბებიაჩემი. შევდივართ და გვეუბნებიან ხმა არ ამოიღოთ ქონებაზე. თქვენზე ორივეზე და სუყველაზე ტყვიებია მოშვერილი, ოღონდ დაიწყებენ შენით მეუბნება მე, მერე ჩემი დით და მერე დანარჩენებით და დარჩება მთლიანი ქონება ეკა ნონიკაშვილს. Aამ დროს გამოეპასუხა მაია ხარძიანი, დედა დაწყნარდი, დავკრძალოთ ბესო და თუ არ იტყვის ეკა ნონიკაშვილი სიმართლეს 2-3 დღეში მე გამოვალ და მე ვიტყვი ამ სიმართლეს. მაინტერესებს რა სიმართლე იცის მაია ხარძიანმა ეკა ნონიკაშვილზე, გამოვიდეს და საჯაროდ თქვას. Pპირადად მე მიმაჩნია, რომ მამაჩემი დააჭერინა ეკა ნონიკაშვილმა ქონების მითვისების გამო, მისი გარდაცვალების დაკვეთა დაუკვეთა ეკა ნონიკაშვილმა”, _განაცხადა მიხეილ ხარძიანმა.
ბიზნესმენ ბესიკ ხარძიანს 28 მარტს საკუთარი სახლის სადარბაზოსთან ესროლეს. ხარძიანი მრავლობითი ცეცხლნასროლი ჭრილობებით თავის, გულმკერდისა და მუცლის მიდამოში გადაუდებელი მედიცინის ცენტრში დაიღუპა.
პროკურატურაში აღნიშნულ ფაქტთან დაკავშირებით შეიქმნა სპეციალური საგამოძიებო ჯგუფი, რომელიც დაკომპლექტდა როგორც მთავარი პროკურატურის საგამოძიებო ნაწილის, ასევე ქ. თბილისის პროკურატურის პროკურორ-გამომძიებლებით.
საგამოძიებო ჯგუფმა დაიწყო გამოძიება სისხლის სამართლის კოდექსის 19, 108 მუხლით, რაც გულისხმობს მკვლელობის მცდელობას. ვინაიდან ბ. ხარძიანი მიყენებული ჭრილობების შედეგად საავადმყოფოში გარდაიცვალა, მუხლი გადაკვალიფიცირდა და გამოძიება გრძელდება სისხლის სამართლის კოდექსის 108-ე მუხლით, რაც გულისხმობს განზრახ მკვლელობას.
