ტელეფონის დამუხტვა 30 წამში ხდება შესაძლებელი. ებრაულ კომპანიაში აცხადებენ, რომ მათ უკვე შექმნეს ტექნოლოგია, რომლის მიხედვითაც ტელეფონის დამუხტვა რამდენიმე წამში მოხდება, ხოლო ელექტრომობილის დატენვას კი რამდენიმე წუთი დასჭირდება.
კომპანია StoreDot, რომელიც ნანოტექნოლოგიებზეა ორიენტირებული, ამტკიცებს, რომ ახალი ტექნოლოგია საკმაოდ გამართულად მუშაობს. როგორც კომპანიაში აცხადებენ, აკუმლატორი მუშაობს, როგორც ე.წ. "ღრუბელი", რომელსაც შეუძლია დიდი რაოდენობით ენერგიის შესრუტვა და მისი დაჭერა.
ახალი ტექნოლოგიების შემქმნელები განმარტავენ, რომ ახალი ბატარეის სერიული წარმოება უკვე 2016 წლისთვის იქნება შესაძლებელი.
აღსანიშნავია, რომ StoreDot-ის ერთ-ერთი ინვესტორი რუსი მილიარდერი რომან აბრამოვიჩია.
