საქართველოს პრემიერ-მინისტრი ლატვიელ ბიზნესმენებს საქართველოში ინვესტირებისკენ მოუწოდებს. როგორც საქართველო-ლატვიის ბიზნესფორუმზე ირაკლი ღარიბაშვილმა განაცხადა, საქართველოში ინვესტირება გაცილებით მომგებიანი იქნება.
"თქვენთვის, როგორც პოტენციური ინვესტორებისათვის საქართველოში ინვესტირება ისევე უსაფრთხო იქნება, როგორც ევროპის ნებისმიერ ქვეყანაში. განსხვავება კი დაბალ გადასახადებსა და ტარიფებში იქნება, ასევე მარეგულირებელი წესების სიმცირეში. და რა საკვირველია უფრო მაღალი ამონაგების მიღების შესაძლებლობაში. ეს არის რეალობა, რაშიც მე მოგიწოდებთ, რომ თავად დარწმუნდეთ", - აღნიშნა ირაკლი ღარიბაშვილმა.
