2014 წლის ოქტომბერში წინა თვესთან შედარებით საქართველოში ინფლაციის დონემ 0,3 პროცენტი შეადგინა. "საქსტატის" ინფორმაციით, მოცემულ პერიოდში ინფლაციის მაჩვენებლის ფორმირებაზე ძირითადი გავლენა იქონია ფასების ცვლილებამ შემდეგ ჯგუფებზე:
სურსათი და უალკოჰოლო სასმელები: აღნიშნულ ჯგუფში ფასები გაიზარდა 1,0 პროცენტით, რაც თვის ინფლაციის მთლიან მაჩვენებელზე 0,28 პროცენტული პუნქტით აისახა. აღსანიშნავია ფასების მნიშვნელოვანი მატება ბოსტნეულისა და ბაღჩეულის ქვეჯგუფზე (12,5 პროცენტი). ამასთან, ფასები შემცირდა ხილისა და ყურძნის ქვეჯგუფზე (-4,4 პროცენტი);
ჯანმრთელობის დაცვა: აღნიშნულ პერიოდში დაფიქსირდა ფასების 0,9-პროცენტიანი მატება, რაც ოქტომბრის ინფლაციაზე 0,09 პროცენტული პუნქტით აისახა. აღნიშნული მაჩვენებელი, ძირითადად, განაპირობა სამედიცინო პროდუქციის, აპარატურისა და მოწყობილობის ქვეჯგუფზე ფასების 1,9- პროცენტიანმა მატებამ;
ტრანსპორტის ჯგუფზე დაფიქსირდა ფასების 1,4-პროცენტიანი კლება, რამაც თვის ინფლაციაზე -0,17 პროცენტული პუნქტით მოახდინა გავლენა. ფასები შემცირდა პირადი სატრანსპორტო საშუალებების ექსპლუატაციაზე (-2,0 პროცენტი).