მერიის თანამშრომელთა ტესტირების შედეგებს "ნაციონალური მოძrაობა" უნდობლობას უცხადებს. როგორც უმცირესობის წევრი გიორგი ვაშაძე აცხადებს, მერიის მიერ, მინიმალური ბარიერი სპეციალურად იყო აწეული, რათა აპლიkaნტებმა ზღვარი ვერ გადალახონ.
"მერის მიერ სპეციალურად არის შედგენილი რთული ტესტები, რათა მათ ზღვარი ვერ გადალახონ. ეს ტესტები რატომღაც, აღმოაჩნდათ მერიის ხელმძღვანელობასთან დაახლოებულ პირებს და მხოლოდ ისინი ახერხებენ ბარიერის გადალახვას. რაც ყველაზე მთავარია, ეს არის პროცესი, რომელშიც ათასობით ადამიანი კარგავს სამსახურს, სრულიად უკანონოდ", - განაცხaდა ვაშაძემ.
დედაქალაქის მუნიციპალიტეტების თანამშრომელთა ტესტირების პირველ ნაკადზე 242 აპლიკანტიდან, მინიმალური ზღვარი 84-მა აპლიკანტმა გადალახა, 158-მა მათგანმა კი, მერიის მიერ დადგენილი 75% -იანი ბარიერი ვერ გადალახა.
მუნიციპალიტეტის თანამშრომელთა ატესტაცია ტექნიკური უნივერსიტეტის პირველ კორპუსში ტარდება.
თითოეულმა აპლიკანტმა, მერიის მიერ დაწესებული 75% -იანი ბარიერის გადასალახად, 60 საკითხიდან მინიმუმ 45 -ს უნდა გასცეს სწორი პასუხი.