დღეს 27 ოქტომბერს, კომპენსაციის გაანგარიშების წესის შესახებ ჯანდაცვისა და სოციალურ საკითხათა კომიტეტში იმსჯელებენ. საკანონმდებლო წინადადებას „სახელმწიფო კომპენსაციისა და სახელმწიფო აკადემიური სტიპენდიის შესახებ" საქართველოს კანონში ცვლილების შეტანის თაობაზე" ახალგაზრდა იურისტთა ასოციაციის მიერაა წარდგენილი.
საკანონმდებლო წინადადების მიხედვით, არსებული კანონის მთელი რიგი მუხლები, რომლებიც განსაზღვრავენ კომპენსაციის გაანგარიშების წესს, შესაბამისობაშია მოსაყვანი ამავე კანონის ძირითად პრინციპებთან, რაც კანონის წინაშე თანასწორობასა და სამართლიანობაში მდგომარეობს. კანონით უნდა დადგინდეს კომპენსაციის გამოანგარიშების იმგვარი წესი, რომელიც იქნება სამართლიანი, და აღმოფხვრავს კანონით განსაზღვრულ ბენეფიციართა სხვადასხვა კატეგორიას შორის ამჟამად არსებულ უთანასწორობას.
კერძოდ ეს კანონი ადგენს საქართველოს ტერიტორიაზე მცხოვრები საქართველოს მოქალაქეების სოციალური დაცვის გარანტიებს და სახელმწიფო კომპენსაციის დანიშვნის საფუძვლებს, მათ ოდენობის გაანგარიშების და გაცემის, წესსა და პირობებს და სხვ. თუმცა, კანონით კომპანსაცია სხვადასხვა პრინციპით გამოანგარიშდება, რაც ამ ჯგუფებს შორის უთანასწორობას ამკვიდრებს. სასურველია, გადაიხედოს კანონის შესაბამისი მუხლები, რათა მოხდეს კომპენსაციის ერთიანი პრინციპით გმოანგარიშება კანონით განსაზღვრულ ბენეფიციარათა სხვადასხვა ჯგუფთან მიმართებაში.
