სტატისტიკის თანახმად 2013 წელს აჭარის ავტონომიურ რესპუბლიკაში დაიბადა 6 004 ბავშვი, მათ შორის 5952 ცოცხლადშობილი და 52 მკვდრადშობილი. აქედან, ბათუმში დაიბადა 2 619 ბავშვი, ქობულეთში 1 251, ხელვაჩაურში 932, ქედაში 253, შუახევში 244 და ხულოში 477 ბავშვი. საქართველოს სამოქალაქო რეესტრის სააგენტოს ინფორმაციით 2013 წელს დაბადებულთა შორის აჭარის რეგიონის მკვიდრი (იურიდიული მისამართის შესაბამისად) 5732 ახალშობილია.
შობადობის მაჩვენებლის მიხედვით საქართველოს რეგიონებს შორის აჭარა პირველ ადგილზეა. 2013 წელს აჭარაში შობადობის მაჩვენებელმა 1 000 სულ მოსახლეზე 14,4%-ი შეადგინა.
აჭარის ავტონომიურ რესპუბლიკაში ყველაზე მაღალი ბუნებრივი ნამატი დაფიქსირდა 1986 წელს (5 544 - მაჩვენებელი 14,9), ყველაზე დაბალი 2003 წელს (1 622 - მაჩვენებელი 4,2). 2004 წლიდან დაიწყო შობადობის მატების ტენდენცია (2004 წელს დაიბადა 4 457 ბავშვი. შობადობის მაჩვენებელი 11,7). 2010 წელს დაიბადა 6 127 ბავშვი (შობადობის მაჩვენებელი 16,2), 2011 წელს - 5696 ბავშვი (შობადობის მაჩვენებელი 14,7), ხოლო 2012 წელს - 5693 ბავშვი (შობადობის მაჩვენებელი 14,4).
ბოლო 10 წლის განმავლობაში ყველაზე მაღალი ბავშვთა სიკვდილობის მაჩვენებელი დაფიქსირდა 2007 წელს (18,3), ხოლო ყველაზე დაბალი - 2008 წელს (6,9). მსოფლიო ჯანდაცვის ორგანიზაციის მიერ მომზადებულ 2009 წლის მოხსენებაში "ჯანმრთელობის დაცვის მდგომარეობის შესახებ ევროპაში" 2006 წლის მონაცემებით 0-1 წლამდე ასაკის ბავშვთა სიკვდილობა ევროპის რეგიონში შეადგენს 7,3, დსთ-ს ქვეყნებში - 12,8, საქართველოში - 15,8, ხოლო აჭარაში აღნიშნული მაჩვენებელი შეადგენს 10,3.
სსიპ დავადებათა კონტროლისა და საზოგადოებრივი ჯანმრთელობის ეროვნული ცენტრის ინფორმაციით 2012 წლის მდგომარეობით 0-1 წლამდე ასაკის ბავშვთა სიკვდილიანობის მაჩვენებელი საქართველოში შეადგენს 12,6-ს, აჭარის საშუალო მაჩვენებელი 2012 წლისათვის 11,4-ია, 2013 წლისათვის - 9,2.
2011 წლის მონაცემებით მშობიარობათა 9,6% შეადგენდა მშობიარობას მე-3 და მეტ ახლშობილზე. 2012 წლისათვის აღნიშნული მონაცემი შეადგენდა მშობიარობათა 14,8%-ს და გასულ წელთან შედარებით ფიქსირდება მატება 5,2%-ით. 2013 წლის მონაცემებით მე-3 და მეტი ბავშვის მშობირაობა შეადგენს 718-ს, რაც საერთო მშობიარობათა 12%-ია, 2,8%-ით ნაკლები წინა წლის მონაცემთან შედარებით.
