თბილისის სასწავლო უნივერსიტეტმა სააპელაციო სასამართლოსთან მემორანდუმი გააფორმა. როგორც „ჯი-ეიჩ-ენს" თბილისის სასწავლო უნივერსიტეტის რექტორმა, ეკონომიკის მეცნიერებათა აკადემიის ვიცეპრეზიდენტმა სოლომონ პავლიაშვილმა განუცხადა, მემორანდუმის მიზანი სასამართლოსა და უნივერსიტეტს შორის მჭიდრო, პარტნიორული ურთიერთობების ჩამოყალიბებაა, რაც ხელს სტუდენტთა სწავლების ხარისხის ამაღლებას შეუწყობს.
"მემორანდუმის ფარგლებში, სასამართლო დაეხმარება უნივერსიტეტის სტუდენტებს სასამართლო პრაქტიკის ორგანიზებასა და განხორციელებაში. ამასთან, სასამართლო, საჭიროებისამებრ, გამოყოფს უნივერსიტეტის მატერიალურ-ტექნიკურ ბაზას ადვოკატთა სკოლისთვის, ასევე, უზრუნველყოფს სხდომის დარბაზებს იმიტირებული პროცესებისათვის", _ აცხადებს სოლომონ პავლიაშვილი.
