26 აპრილს, მსოფლიო ინტელექტუალური საკუთრების საერთაშორისო დღეს აღნიშნავს. 2001 წლიდან დღემდე ინტელექტუალური საკუთრების მსოფლიო ორგანიზაცია (ისმო) ყოველწლიურად განსაზღვრავს ამ დღის თემატიკას. 2014 წელს, ინტელექტუალური საკუთრების საერთაშორისო დღე ეძღვნება კინემატოგრაფიას. "კინო _ საყოველთაო აღტაცება" - ასე განისაზღვრა წლევანდელი თემა და ეს დღე მსახიობებს, რეჟისორებს, პროდიუსერებს, კომპოზიტორებს და დიზაინერებს, ხმისა თუ განათების ტექნიკოსებსა და კინოინდუსტრიაში მოღვაწე ყველა ადამიანს ეძღვნება. ბოლო წლები საქართველო აქტიურად უერთდება ამ დღის აღნიშვნას. საქპატენტი ყოველ წელს ამ თარიღს უძვნის პერიოდული გამოცემის „IP საქართველოს" სპეციალურ ნომერს, რომელიც უფასოდ ვრცელდება. ასევე, ტარდება თემატური საჯარო ლექციები, საზოგადოებრივი ცნობიერების ამაღლების მიზნით კი ვრცელდება სპეციალური ფლაერები.
მასალის გამოყენების პირობები