დღეს, 25 აპრილს, 18:00 საათზე, ფონდ „ღია საზოგადოება - საქართველოს" ოფისში გაიმართება დოკუმენტური ფილმის „საზოგადოებრივი ინიციატივა - ჯვარის მუნიციპალიტეტი" ჩვენება.
ფილმი ეხება წალენჯიხის მუნიციპალიტეტში შემავალი ქალაქ ჯვარისა და მისი მიმდებარე სოფლების მოსახლეობის ინიციატივას. ქალაქ ჯვარისა და მიმდებარე სოფლების მოსახლეობა მძიმე სოციალურ-ეკონომიკური პრობლემებიდან გამოსავალს წალენჯიხის მუნიციპალიტეტიდან გამოყოფასა და დამოუკიდებელი ერთეულის შექმნაში ხედავს. ხელისუფლებისადმი მოთხოვნის წარსადგენად ადგილობრივმა მცხოვრებლებმა 12 000-მდე ხელმოწერა შეაგროვეს. ფილმი ასახავს თუ როგორ რეაგირებენ მოსახლეობის მოთხოვნაზე ადგილობრივი და ცენტრალური ხელისუფლების წარმომადგენლები.
ფილმი მოამზადა სტუდიამ "რე" ფონდის „ღია საზოგადოება - საქართველო" მხარდაჭერით. ფილმის ხანგრძლივობაა 32 წუთია.