სასჯელაღსრულებისა და პრობაციის მინისტრის სოზარ სუბარის განცხადებით, ზოგადად ანტინარკოტიკული კომისიის ვიზიტი საქართველოში ძალიან მნიშვნელოვანია და ეს არის მხარდაჭერა იმ რეფორმების, რომელიც ქვეყანაში ტარდება.
როგორც მინისტრმა განმარტა, ამ ვიზიტის დაგეგმვა იმ ახალმა პოლიტიკამ გამოიწვია, რომელიც C ჰეპატიტთან დაკავშირებით ხორციელდება, ასევე იმ წარმატებამ და გარღვევამ, რასაც საქართველომ C ჰეპატიტთან ბრძოლასთან დაკავშირებით მიაღწია, როგორც სასჯელაღსრულების სისტემაში, ისე ფასის შემცირების თვალსაზრისით.
"პარალელურად ჩვენ ვმუშაობთ ანტინარკოტიკული პოლიტიკის გადახედვაზე, რომ უფრო მეტად იყოს აქცენტი მკურნალობაზე გაკეთებული. ივნისიდან სასჯელაღსრულების სამინისტროს ახალი სტრატეგია ექნება, რომელშიც გაფართოებული იქნება სერვისები ნატკოდამოკიდებული პირების მიმართ. რაღაც დონეზე ეს უკვე გაკეთებულია, მაგრამ ახალ პოლიტიკაში ეს უფრო ფართოდ იქნება წარმოდგენილი", - აღნიშნა სუბარმა.
სასტუმრო "ქორტიარდ მერიოტში" მრგვალი მაგიდა იმართება, თემაზე: "ანტინარკოტიკული პოლიტიკა და C ჰეპატიტის ელიმინაცია საქართველოში". შეხვედრა სასჯელაღსრულების მინისრტმა, სოზარ სუბარმა და ჯანდაცვის მინისტრმა, დავით სერგეენკომ გახსნეს. შეხვედრაში მონაწილეობას იღებენ ნარკოპილიტიკის გლობალური კომისიის წევრები, საქართველოს ხელისუფლების და არასამთავრობო ორგანიზაციების წარმომადგენლები.