საქართველოს მთავარმა პროკურორმა გიორგი ბადაშვილმა წმინდა გიორგი მთაწმინდელის სახელობის ტაძართან არსებული სარეაბილიტაციო ცენტრის ბინადრებს დანაპირები შეუსრულა. პროკურატურის თანამშრომლებმა ცენტრს საჩუქრად საყოფაცხოვრებო ტექნიკა გადასცეს.
პროკურატურის ინფორმაციით, სარეაბილიტაციო ცენტრში სტუმრობისას, მთავარ პროკურორს ცენტრის თანამშრომლებმა ტელევიზორი და მაცივარი პირადად სთხოვეს.
გიორგი ბადაშვილი წმინდა გიორგი მთაწმინდელის სახელობის მონასტერთან არსებულ სარეაბილიტაციო ცენტრს, მოადგილეებთან - გიორგი გოგაძესა და გიორგი გაბიტაშვილთან ერთად 19 აპრილს ეწვია.
სტუმრებმა ცენტრის ბინადრებს დამდეგი აღდგომის დღესასწაული მიულოცეს და საჩუქრები გადასცეს.