საყდრისთან დაკავშირებულ პრობლემებს უცხოელი ექსპერტები შესწავლიან. ამის შესახებ, ჟურნალისტებთან მთავრობის სხდომის დასრულების შემდეგ კულტურისა და ძეგლთა დაცვის მინისტრმა გურამ ოდიშარიამ განაცხადა და აღნიშნა, რომ ექსპერტები საქართველოში, დაახლოებით, ერთ კვირაში ჩამოვლენ.
"ჩვენი გეგმაა, რომ უნდა ჩამოვიდნენ ექსპერტები უცხოეთიდან. ყველაფერი იქნება ისე, როგორც გაწერილია ჩვენს მიერ ხელმოწერილ ბოლო დოკუმენტში. ასევე განხორციელდება ინსპექტირებაც, როგორც წესი და რიგია, რასაც კულტურული მემკვიდრეობის დაცვის სააგენტო ახორციელებს. ექსპერტები საქართველოში დაახლოებით ერთ კვირაში უნდა ჩამოვიდნენ", - განაცხადა ოდიშარიამ.