სახალხო დამცველი უჩა ნანუაშვილი საჯარო მოხელეთა შრომის უფლების ხელყოფის ფაქტებზე მიუთითებს და შრომის კოდექსის ეტაპობრივ მოდიფიკაციას აუცილებლად მიიჩნევს.
საჯარო დაწესებულებებში მოხელეთა უფლებების დარღვევაზე საუბარია საუბარია სახალხო დამცველის გასული წლის ანგარიშის დოკუმენტში, რომელიც პარლამენტის საგაზაფხულო სესიამახლო მომავალში უნდა განიხილოს.
სანგარიში პერიოდის თანახმად, გასულ წელს გამოვლინდა საჯარო დაწესებულების რეორგანიზაციისას, შტატებით გათვალისწინებულ თანამდებობათა შემცირების საფუძვლით, საჯარო მოხელეთა დაკავებული თანამდებობებიდან დასაბუთების გარეშე გათავისუფლების არაერთი შემთხვევა, რაც ცალსახად იწვევს საჯარო მოხელეთა შრომის უფლების ხელყოფას.
საქართველოს სახალხო დამცველი შრომის უფლებების დაცვის კუთხით წინგადადგმულ ნაბიჯად აფასებს საქართველოს შრომის კოდექსში განხორციელებულ ცვლილებებს, რამაც საქართველოს შრომის კანონმდებლობა საერთაშორისო სტანდარტებთან დაახლოვა და შრომის უფლების რეალიზაციის უფრო ეფექტური შესაძლებლობები შექმნა, თუმცა, აუცილებელია გაგრძელდეს შრომის კოდექსის შემდგომი ეტაპობრივი მოდიფიკაცია.
"საქართველოში სახელმწიფო დონეზე არ არის შემუშავებული შრომის, ჯანმრთელობისა და სამუშაო გარემოს შესახებ თანმიმდევრული ეროვნული პოლიტიკა და შესაბამისად, არ არსებობს მონიტორინგის მექანიზმი იმის შესამოწმებლად, თუ რამდენად არის დაცული სამუშაო ადგილებზე უსაფრთხო გარემო, რაც სახელმწიფოს მხრიდან დაუყოვნებელ რეაგირებას, სათანადო კანონმდებლობისა და მექანიზმის შემჭიდროვებულ ვადებში შექმნას საჭიროებს", -ნათქვამია სახალხო დამცველის ანგარიშში.
