რამდენიმე წლის წინ განხორციელებულმა საგზაო-სარეაბილიტაციო სამუშაოებმა გასული ზამთრის ძლიერ ყინვას ვერ გაუძლო. დაპირების მიუხედავად, ქალაქში არსებულ გზებზე ისევ სავალალო მდგომარეობაა. მიმდინარე სარეაბილიტაციო სამუშაოების გამო ქალაქში საცობები გახშირდა, რაც ავტომფლობელებისა და ზოგადად მგზავრების აღშფოთებას იწვევს. აღსანიშნავია ის ფაქტი, რომ მძღოლების მცდელობას, აარიდონ სატრანსპორტო საშუალება ქალაქში არსებული ღრმულებსა და ორმოებს, არაერთხელ შეუქმნიასაავარიო მდგომარეობა, რაც ინციდენტითაც დასრულებულა.
მედიაში გასული სიუჟეტების შემდეგ, დედაქალაქის არაერთ რაიონში დაიწყო გზების რეაბილიტაცია, მაგრამ უკვე რამოდენიმე კვირაა ასფალტის დაგება შეჩერებულია. მაგალითად შეგვიძლია საბჭოს მოედნის მიმდებარე ქუჩები მოვიყვანოთ, ასევე, პრეზიდენტის ახლადმშენებარე რეზიდენციის ტერიტორია, ჟვანიას მოედნის მიმდებარე ქუჩები და ა.შ.
ორგანიზაციას მიაჩნია, რომ მიუხედავად დედაქალაქის გზებზე ამ დროისთვის მიმდინარე სამუშაოებისა, თბილისის მერიას რეაბილიტაციის პროცესის გაცილებით ადრე დაწყების შესაძლებლობა ჰქონდა. ამ დროისთვის კი, სარეაბილიტაციო სამუშაოების მეტი ინტენსივობით წარმოების საშუალებაც არსებობს. წინა წლების პრაქტიკა გვიჩვენებს, რომ გზების რეაბილიტაციის პროცესი გაცილებით უფრო დროულად სრულდებოდა.
გარდა იმისა, რომ თბილისის მერიამ არ ისარგებლა კანონით მინიჭებული 1/12-ის პრინციპით, რათა შესაბამისი პროცედურები გაცილებით ადრე დაეწყო, დამტკიცებული ბიუჯეტის პირობებშიც, არ ასრულებს დაკისრებულ მოვალეობას, არსებული პრობლემის მყისიერიმოგვარებისთვის.
არასამთავრობო ორგანიზაცია „ადამიანი, კანონი, თავისუფლება" გამოთქვამს საფუძვლიან ეჭვს, რომ დედაქალაქში გზებისსარეაბილიტაციო პროცესი ხელოვნურად ჭიანურდება და ეს პროცესი პოლიტიკური საბოტაჟის ნიშნებს შეიცავს.
ორგანიზაცია მოუწოდებს მერიის კეთილმოწყობის სამსახურს, დროულად დაასრულოს გზების რეაბილიტაცია, რათა ადგილობრივ მოსახლეობას დისკომფორტი მოეხსნას და თავიდან იქნეს აცილებული პირადი ქონების დაზიანების შემთხვევები, რაც თითოეულ მოქალაქეს მძიმე ტვირთად აწვება.
