„გამომდინარე იქიდან, რომ აქცია "ჩვენ ვირჩევთ ევროპას" ორგანიზატორების მიერ, აქციის „არა კოლაბორაციონიზმს! არა მტერთან თანამშრომლობას!" არასწორი შეფასება გაკეთდა, თავს ვალდებულად მივიჩნევთ განვმარტოთ, რომ 13 აპრილს, კანცელარიის წინ ჩატარებული აქცია ორგანიზებული იყო საზოგადოებრივი ორგანიზაცია "ივერიის" მიერ, მოძრაობა „დაბრუნებასთან" ერთად.
გვინდა ხაზგასმით აღვნიშნოთ, რომ არც "ნაციონალურ მოძრაობას" და არც სხვა რომელიმე პოლიტიკურ პარტიას აქციის ორგანიზებასთან კავშირი არ ჰქონია. აქციას ესწრებოდა ყველა ის ადამიანი, ვინც კოლაბორაციონიზმის წინააღმდეგ ბრძოლის აუცილებლობის იდეას იზიარებს.
რაც შეეხება, ბრალდებას იმის შესახებ, თითქოს აქცია „არა კოლაბორაციონიზმს! არა მტერთან თანამშრომლობას!" იმავე დღეს დაგეგმილი სხვა ღონისძიებისათვის ხელის შეშლას ისახავდა მიზნად, გვინდა საზოგადოებას ვაუწყოთ, რომ ჩვენთვის არავის მოუმართავს, რომ ამ დღეს რაიმე სხვა ღონისძიების ჩატარება იგეგმებოდა. მეტიც, მას შემდეგ, რაც "ჩვენ ვირჩევთ ევროპას" შესახებ შევიტყვეთ, ჩვენი აქციის დრო ისე გადმოვწიეთ, რომ ამ ღონისძიებისთვის ხელი არ შეგვეშალა.
ასე რომ, ბრალდება, იმის თაობაზე, თითქოს აქცია სახელწოდებით, "არა კოლაბორაციონიზმს! არა მტერთან თანამშრომლობას!" პოლიტიკური პარტიის მიერ იყო ორგანიზებული და ევროპის მოედანზე დაგეგმილი ღონისძიების დისკრედიტაციას ემსახურებოდა, ყოვლად უსაფუძვლოა.
