„სამედიცინო კორპორაცია ევექსი" ჟურნალისტებს მასპინძლობს. ექიმები ერთი დღით საზოგადოებისთვის ცნობილმა სახეებმა შეცვალეს. რამდენიმე ჟურნალისტმა და პოპულარულმა ტელეწამყვანმა ერთი დღე ექიმის ამპლუაში გაატარა.
დღეს, დილის 11 საათიდან მოხალისე ექიმების ჯგუფი „სამედიცინო კორპორაცია ევექსის" პაციენტებს ყველა საჭირო სამედიცინო დახმარებას და რჩევებს უწევდნენ.
ჟურნალისტებისთვის უცხო მისიის განხორციელება რთული აღმოჩნდა. სამედიცინო მომსახურებას მედიის წარმომადგენლები „სამედიცინო კორპორაცია ევექსის" მედპერსონალის ზედამხედველობის ქვეშ უწევდნენ.
მედიის წარმომადგენლებს „სამედიცინო კორპორაცია ევექსისგან" სამახსოვროდ სერტიფიკატებიც გადაეცათ.