მეთვრამეტე დღეა თბილისში ყოფილი პარლამენტის შენობის წინ პოლიტპატიმრების აქცია მიმდინარეობს. ისინი მოითხოვენ, რომ პარლამენტის მიერ აღიარებული დადგენილება დაედოს საფუძვლად ახლადგამოვლენილ გარემოებებს და დაიწყოს წარმოების განახლება მათ საქმეებზე.
ასევე ისინი მოითხოვენ სააღსრულებლო წარმოებების შესახებ კანონში შევიდეს ცვლილება და აღსრულება შეჩერდეს იმ ქონებაზე, რომელიც მიმართულია სახელმწიფო ბიუჟეტის სასარგებლოდ.
ერთ-ერთი პოლიტმატიმარი ამირან ქადაგიშვილი გარდა ამ მოთხოვნებისა აცხადებს, რომ მათი მოთხოვნაა უფლებამოსილებათა შეუჩერდეთ იმ მოსამართლეებს გამომძიებლებს, პროკურორებსა და პოლიციელების, რომლებმაც დააკავეს, სამართალში მისცეს და საბოლოოდ განაჩენი დაადგინეს მათ მიმართ.
" ვითხოვთ იმ მოსამართლეებს, გამომძიებლებს, პროკურორებს და პოლიციელებს შეუჩერდეთ უფლებამოსილება , რომლებაც მიიღეს უკანონო განაჩენი, რომლებმაც პოლიტპატიმრების საქმეები გააყალბეს. ეს ადამიანები დღეს არიან ისევ თავიან თანამდებობაზე დარჩენილი ან დაწინაურებულები ", - აცხადებს ამირან ქადაგიშვილი