"ჯიპიაი ჰოლდინგი" წუხილს გამოვთქვამს ქარჩხაძეების ოჯახში მომხდარი ტრაგედიის გამო და განცხადებას ავრცელებს:
"გვსურს საზოგადოებას მივაწოდოთ ჩვენს ხელთ არსებული ინფორმაცია გარდაცვლილის შვილის მკურნალობასთან დაკავშირებით: ირინა ქარჩხაძე დაზღვეულია "ჯიპიაი ჰოლდინგში" უმწეოთა დაზღვევის სახელმწიფო პროგრამით. ირინას ოჯახმა გეგმიური ოპერაციის მოთხოვნით მოგვმართა 2014 წლის 19 მარტს. საქმე ეხებოდა მოტეხილობის მკურნალობას და კლინიკისგან იყო მომართვა არა გადაუდებელ, არამედ გეგმიურ ოპერაციაზე, რადგან სამედიცინო თვალსაზრისით საჭირო იყო ქსოვილების შეშუპების ჩაცხრობა ოპერაციის ჩატარებამდე. კომპანიის მიერ უმოკლეს ვადაში გაიცა საგარანტიო მოთხოვნილი თანხის 100%ით დაფინანსებაზე. საგარანტიოს საფუძველზე დაზღვეულს ოპერაცია ჩაუტარდა 30 მარტს ქუთაისის ცხაკაიას სახელობის ინტერვენციული მედიცინის ცენტრში და ამჟამად გაწერილია ბინაზე. ოჯახს რაიმე სახის პრეტენზიით არც ოპერაციის ჩატარებამდე და არც შემდეგ ჩვენთვის არ მოუმართავს" - ნათქვამია განცხადებაში.
