"ჩვენი ბლოკი წარმოადგენს იმ პოლიტიკურ ძალთა ერთობას, რომელიც სააკაშვილის რეჟიმის პირველი დღიდან აპროტესტებდა "ნაციონალური მოძრაობის" არადემოკრატიულ და დანაშაულებრივ ქმედებებს: სანდრო გირგვლიანის მკვლელობას და 7 ნოემბერს, 5 იანვრის გაყალბებულ არჩევნებს და სხვა დანაშაულებს", - აცხადებენ საარჩევნო ბლოკში, სადაც 2014 წლის ადგილობრივი თვითმმართველობის არჩევნებში მონაწილეობის მიზნით "ატვისუფალი საქართველო" და "ახალი მემარჯენეები" გაერთიანდნენ.

ბლოკში გაერთიანებული პოლიტიკური სუბიექტების ამოცანაა, შეიქმნას რეალური მრავალპარტიულობა და დასრულდეს კოაბიტაციის მახინჯი პროცესი.

"არასაპარალმენტო ოპოზიციის" ლიდერები აცხადებენ, რომ ხელისუფლების რეალური და ჯანსაღი ოპონირება შეუძლია მხოლოდ არასაპარლამენტო ოპოზიციას და ეს კარგად გამოჩნდა თუნდაც ბოლოდროინდელ დებატებზე საარჩევნო გარემოსთან დაკავშირებით.

მათივე განმარტებით, ბლოკის გაფართოების მიზნით დაინტერესებულ პოლიტიკურ ძალებთან კონსულტაციებს აგრძელებენ.