#53-ე სკოლის მოსწავლეები და პედაგოგები განათლებისა და მეცნიერების მინისტრს თამარ სანიკიძეს მიმართავენ და აცხადებენ, რომ განათლების მინისტრის მიერ ახალი დირექტორის დანიშვნის შესახებ ბრძანების გაუქმების შემთხვევაში მზად არიან სასწავლო პროცესი აღადგინონ.
პედაგოგების განმარტებით, ისინი ბრძოლას სამართლებრივი მეთოდებით გააგრძელებენ, მანამდე კი სასწავლო პროცესს სკოლის დირექცია უხელმძღვანელებს.
შეგახსენებთ, რომ უკვე მეხუთე დღეა 53-ე საჯარო სკოლაში სასწავლო პროცესი შეფერხებულია.
სკოლის მიმდებარე ტერიტორიაზე მოსწავლეები და მასწავლებლები არიან შეკრებილები.
აქციის მონაწილეებს სკოლის ყველა შესასვლელი აქვთ ბლოკირებული.
ისინი ითხოვენ ყოფილი დირექტორის მარიამ რამინაშვილის თანამდებობაზე აღდგენას.
53-ე სკოლაში ამ დროისთვის არ მოსულა სკოლის ახალი დირექტორი.
