10 აპრილს თბილისის იუსტიციის სახლში სივრცითი მონაცემების 3 განზომილებიანი (3D) მოდელირების შესახებ სემინარი ჩატარდა, რომელსაც საჯარო რეესტრის ეროვნული სააგენტოსა და შინაგან საქმეთა სამინისტროს თანამშრომლები ესწრებოდნენ.
სემინარს ავსტრიელი ექსპერტები - კლემენს კონრადი, მანფრედ მითბლოეკი და ფრიდრიხ კროისი უძღვებოდნენ, რომლებიც საჯარო რეესტრის ეროვნულ სააგენტოში სამუშაო ვიზიტით იმყოფებიან.
ექსპერტების საქართველოში ვიზიტის მიზანი სივრცით მონაცემებთან დაკავშირებით არსებული სიტუაციის შესახებ მოხსენებისა და ეროვნული სივრცითი მონაცემების ინფრასტრუქტურის 2014-2015 წლების სამოქმედო გეგმის შემუშავებაა.
სემინარი ევროკავშირის დაძმობილების (twinning) პროექტის „ელექტრონული მმართველობის განვითარება საქართველოში" ფარგლებში განხორციელდა და საქართველოში ეროვნული სივრცითი მონაცემების ინფრასტრუქტურის (NSDI) შექმნის მხარდაჭერას ისახავდა მიზნად.
მასალის გამოყენების პირობები
