პრეზიდენტი 9 აპრილს გარდაცვლილთა ოჯახის წევრებს შეხვდა და დღევანდელი დღის მნიშვნელობაზე ისაუბრა.
,,დღეს, გარდაცვალებიდან ბევრი წლის შემდეგ ვაჯილდოვებთ იმ ადამიანებს ვინც იმ მომენტში იყო გააერთიანა მთელი ერი ამ მაღალი იდეალისთვის. პოლიტიკაში, ბუნებრივია, ბევრი რამ ხდება, ბევრი პერიპეტიებია. ჩვენი ბოლო პერიოდის ისტორია სავსეა ასეთი პერიპეტიებით, შეცდომებით, ერთმანეთის დაპირისპირებით, მაგრამ იყო მომენტები როდესაც ერი იყო ერთიანი. ეს ერთიანობა ხდება ძალიან ამაღლებულის, მნიშვნელოვანის, მარადიულის ირგვლივ, ასეთი ღირებულება არის თავისუფლება და დღეს ჩვენ ვზეიმობთ ამ თავისუფლებას და ვზეიმობთ ბუნებრივი თქვენთან ერთად. აქედან გამომდინარე ჩვენ გადავწყვიტეთ სიკვდილის შემდეგ დავაჯილდოვოთ თქვენი ოჯახის წევრები და აღვნიშნოთ არა მარტო მათი ღვაწლი, არამედ ვაჩვენოთ მთელს ჩვენს საზოგადოებას როგორც აწმყოს, ასევე მომავალს, რომ ჩვენ არ ვივიწყებთ იმ ადამიანებს ვინც თავისი სიცოცხლით, თავგანწირვით შეძლო მაღალი იდეალის_თავისუფლების დაცვა და მოუტანა თავისუფლება თავის თანამემამულეებს", _მიმართა მარგველაშვილმა 9 აპრილს გარდაცვლილთა ოჯახის წევრებს.
