აფხაზეთის უმაღლეს საბჭოსთან შიმშილობა გრძელდება. მოშიმშილე დევნილთაგან ერთ-ერთმა, პროტესტის ნიშნად, პირი ამოიკერა.
აფხაზეთიდან დევნილი რამაზ არონია აფხაზეთის უმაღლესი საბჭოს თავმჯდომარედ ელგუჯა გვაზავას არჩევის შესახებ საბჭოს გადაწყვეტილებას აპროტესტებს.
მისვე განმარტებით, გვაზავა თავმჯდომარედ არალეგიტიმურადაა დანიშნული და მას იძულებით გადაადგილებული პირებისთვის არანაირი დახმარება არ გაუწევია და პოსტზე მისი ყოფნა დაუშვებელია.
მოშიმშილეები ელგუჯა გვაზავას გადადგომამდე პროტესტის შეწყვეტას არ აპირებენ.
