დღეს, 9 აპრილს, 17:00 საათზე, ივანე ჯავახიშვილის სახელობის თბილისის სახელმწიფო უნივერსიტეტის სააქტო დარბაზში გაიმართება 9 აპრილის გმირის, ლელა ვეფხვაძისადმი მიძღვნილი საქველმოქმედო საღამო.
"1989 წლის 9 აპრილიდან დღემდე მღერის უსინათლო ლელა ვეფხვაძე. 9 აპრილს მეგობრებთან ერთად მღეროდა. თინა ბირკაძე, დონარა ცხადიაშვილი, ზაირა გელაშვილი დღეს ცოცხლები აღარ არიან. დღეს მხოლოდ მრავალჭირნახული ლელა ვეფხვაძეა ცოცხალი და ისევ მღერის. მღერის საქართველოს თავისუფლების სიმბოლო მიწისქვეშა გადასასვლელებში, ფანდურზე უკრავს და ამით ირჩენს თავს, აგროვებს თეთრებს, რომ ბინის ქირა გადაიხადოს და პურის ფული იშოვოს. ქალბატონი ლელა უკიდეურეს გაჭირვებაში ცხოვრობს და კეთილი ნების ადამიანების დახმარებით ვაპირებთ მას გავუთბოთ გული. გთხოვთ დაგვიჭიროთ მხარი, შემოგვიერთდეთ და მოიწვიოთ მეგობრები", - აცხადებს ღონისძიების ერთ-ერთი ორგანიზატორი მაია ბარამიძე.
ღონისძიებაში მონაწილეობას მიიღებენ სახალხო მომღერლები, პოეტები, მწერლები, ახალგაზრდები
