დღეს, 9 აპრილს, 19:00 საათზე, შოთა რუსთაველის სახელობის აკადემიურ თეატრში 9 აპრილის ტრაგედიიდან 25 წლისთავისადმი მიძღვნილი ხსოვნის საღამო გაიმართება.
9 აპრილს, სპეციალურად ამ ღონისძიებისათვის, თბილისს ეწვევა აზერბაიჯანიდან "20 იანვრის საზოგადოება", ლიტვიდან "13 იანვრის საზოგადოება" და ლატვიიდან მოწვეული დელეგაცია. საღამოში მონაწილეობას მიიღებენ: თემურ წიკლაური, ეკა კვალიაშვილი, მერაბ სეფაშვილი, მაია ჯაბუა, გიორგი უშიკიშვილი, არჩილ ნიჟარაძე, ლიზა ბაგრატიონი, ნატო მეტონიძე, მამუკა ჩარკვიანი, გიორგი სუხიტაშვილი, ანსამბლი "ქართული ხმები", ზვიად ბოლქვაძე, ჯგუფი „ნიუტონი" და კვინტეტი The Quintessential Five.
25 წელი გავიდა მას შემდეგ, რაც საქართველოს დამოუკიდებლობის მოთხოვნით დაწყებული საპროტესტო აქცია 1989 წლის 9 აპრილს, გამთენიისას, სასტიკი დარბევით დასრულდა საბჭოთა არმიის ნაწილების ქმედებით. დაიღუპა 21 ადამიანი, მიტინგის ათეულობით მონაწილე კი მძიმედ დაშავდა.
ღონისძიების ორგანიზატორია: თბილისის კულტურული ღონისძიებების ცენტრი და 9 აპრილის ფონდი.